新聞

2019年8月25日

2018/08/27 (週一) 12:13上午

NEWS力場 懲教更生先鋒 古仔發聲撐!

懲教署噚日推出短片,介紹「更生先鋒計劃」下成立嘅「更生先鋒領袖」制服團體,30位成員喺短片中暢談加入團隊後嘅感受和得着,最令人驚喜,就梗係影帝古天樂更喺片入面發聲添!

講起古仔同懲教署嘅關係,相信大家都知道,古仔20歲嗰時曾因犯搶劫罪,而被判入教導所,後來又因為成日打交而被加監,好彩最後得到一位修女嘅教導先令佢決心改過,重新做人咋!

古仔就喺短片中鼓勵一眾懲教署更生先鋒領袖嘅學生,「人生同電影一樣,於唔同嘅場景,扮演唔同的角色,而每一個角色都必須付出努力先能夠成功。」

古仔又希望,每一位更生先鋒領袖都能夠做好佢哋嘅角色,努力鍛煉充實自己,從而透過不同活動,感染社會大眾支持更生,以生命影響生命喎!

;