娛樂

2019年11月15日

2019/11/08 (週五) 12:00上午

JW 放下「矛盾」再追夢

就算你不熟悉JW(王灝兒),也一定聽過《矛盾一生》!
2010年簽約黎明A-Music出道的JW,走紅的程度比上不足,
比下有餘,2015年她轉投新公司,
一首《矛盾一生》YouTube點擊率超過1千7百萬,
將她的人氣推高。今年她邀得周國賢合作,為她作新歌《逃生門》,
JW直言首次錄歌錄至全身出汗!

撰文:老詠誼
攝影:陸羽勝
服裝:MAJE paris
場地提供:南瀛水產
鳴謝:Barry@relaxdearhk

喜歡周國賢
JW直言很喜歡周國賢的歌曲風格,由收到《逃生門》到正式錄音,一直與對方聯絡,希望將歌曲演繹得更好,她說:「其實呢首歌周國賢喺2013年就寫好,我一直好鍾意佢寫歌嘅Style,呢首歌真係唔容易唱,高音、低音,錄嘅時候我同佢講,錄歌錄到出晒汗!」至於可會想參與創作部分,她說:「我有試過做歌,但覺得未出得囉,曲風唔夠成熟,我亦唔會覺得自己作歌係心願,因為我唔係作曲出身,反而想唱多啲唔同風格嘅歌!」

人生的奇迹
《矛盾一生》令JW的歌唱事業推至高峰,問到《逃生門》可有機會成為她另一首經典金曲?她直言不可比較:「《矛盾一生》係一首天時地利人和配合得好好嘅作品,係一個奇迹,好難會有下一首,呢啲機會可遇不可求,我唔會去比較,亦都無得比較!」JW自言是幸運的人,亦明白歌手之路不易走,慶幸是自己迷茫的日子很短:「應該係畢業啱啱返嚟嗰兩年,當時會比較迷茫,唔知自己工作會變成點,直至《矛盾一生》,令自己有番啲信心。」

12億準新抱?
出道9年,事業平步上揚,感情方面亦相當穩定,與卓悅太子爺葉韋彤(Tarzan)拍拖3年,Tarzan亦不時在Instagram大方上載與女友的合照,二人經常「連體嬰」出席朋友聚會,JW被指明年下嫁對方,成為12億卓悅新抱,她笑指:「結婚?隨緣啦,其實好多傳聞連我自己都無聽過,大家仲緊張過我!」又認為結婚與工作,可以同時進行。至於可有與男友商量過婚事?她直言沒有:「佢好Support我,我哋互相支持,亦覺得拍拖唔需要收收埋埋,大家都好開心,好滿足,結婚嘅事,會發生就會發生!」

;