娛樂

2019年10月22日

2019/08/14 (週三) 12:00上午

90歲梁舜燕病逝 李克勤:永遠懷念契媽

梁舜燕(Lily姐)上周傳不幸患癌,留醫香港佛教醫院,其兒孫、契仔李克勤等均有探病,未料昨日Lily姐的家屬發出訃文,證實她於昨午在親屬陪同下安詳離世,享年90歲。
Lily姐的愛孫阮浩棕以電話回覆傳媒,指嫲嫲因機能衰竭離世,離開時子孫全部陪伴在側,他說:「嫲嫲入院超過1個月,之前有指佢有癌症,我哋唔會否認,但唔想多講。」並謂嫲嫲一生奉獻給演藝事業,入院期間最大願望是盡快出院,可以繼續拍劇,奈何未能如願,但阮浩棕表示:「嫲嫲之前講過,自己已經一生無憾! 」而喪禮會以天主教儀式進行,詳情待安排後再作交代。
事後克勤於社交網上載一張黑白照,並留言:「這是我們最後的合照……永遠懷念契媽的雍容華貴儀態萬千。」他又祝Lily姐在天國平安,希望其家人節哀順變。

難忘注重儀態 此外,Lily姐又於60年代當上麗的訓練班導師,身為第一屆訓練班學員的汪明荃則讚她敬業樂業,又謂:「最記得Lily姐真係好注重儀態,我哋有時開工攰會就咁喺度瞓,但Lily姐唔會,佢點辛苦都會注重儀態,唔會隨便瞓喺度同呻辛苦,好值得後輩學習。」對於好友夏萍、Lily姐先後離世,胡楓亦大嘆好唏噓。

;