即時

2019年12月12日

2019/06/26 (週三) 12:16上午

鍾欣潼暴脹 驚現麒麟臂「豪華臀」 惹大肚疑雲

去年榮升人妻的鍾欣潼婚後愈食愈肥,早排已宣告積極減肥的她,前日卻脹爆現身粉絲見面會,仲全程要工作人員扶上扶落,旋即惹來大肚疑雲,惜原來只是一場美麗的誤會!

鍾欣潼(阿嬌)於去年下嫁有台灣「醫界王陽明」之稱的賴弘國,婚後被嘲「幸福肥」的她更屢傳懷孕,惜阿嬌卻堅稱只是「食得多肥咗」,並謂會的起心肝減肥。無奈,上月底先同老公Sweet爆慶生的阿嬌,似乎愈減愈脹,令人懷疑她「造人」成功!

前日,網上就瘋傳一輯阿嬌於橫店出席粉絲見面會的照片,見她穿上一襲白色鬆身長紗裙再披牛仔褸,但都無法遮住其水桶腰、麒麟臂及巨躉,目測估計至少脹了一個碼;且當日以高跟鞋上陣的阿嬌,不單止全程由工作人員扶實上台,甫落台更馬上換上平底鞋,結果引來不少網民留言:「應該是懷孕了吧?祝福!」對此,經理人霍汶希回覆傳媒:「佢肥咋,真係唔係有咗,我會叫阿嬌減肥,其實佢哋計劃咗,不過唔係今年生。」

;