娛樂

2019年7月16日

2017/12/21 (週四) 12:00上午

都市專訪 AGA 我的2017

2017是江海迦(AGA)豐收的一年,雖然頒獎禮成績尚未全部揭盅,但這一年她的星途卻比前幾年更精采。先是作了很多首歌、派台歌嘗試了多種全新曲風、辦了幾場小型音樂會,更重返當日被發掘的Jazz Bar “Peel Fresco”舉行首個全企位騷。既然累積了愈來愈多演出經驗,同輩歌手又不斷發力開騷,AGA也是時候抵達每個香港歌手的夢想Checkpoint——上紅館吧?原來公司早有此計劃,卻反而遭到AGA本人煞停,究竟點解呢?

撰文:鄧穎琪 攝影:ChaseK
髮型:Gary Sun @ Hair Corner
化妝:Irene Hung @ thelook-studio.com

做藝人當然想愈忙愈好,不過工作將時間表填得密密麻麻,也令AGA的感情生活一片空白,因為她極度需要個人空間,完全捨不得犧牲私人時間,「有認識過一啲人,但冇真係覺得啱嘅發展,我成日都話我嘅工作係『生環Mode』,留畀自己嘅時間已經好少,除非我肯放棄啦!」
嘗試全新曲風
在錄音室和工作桌日磨夜磨也是有回報的,如AGA初試R&B曲風的《3am》,不但在麥當勞播不停,同時更因網上點擊率高企,登上了香港YouTube《2017年度十大熱門音樂影片》榜第4位,這對AGA來說是很大的鼓舞,「上年至今年年中我作咗30幾首歌,但公司揀嘅全部都係我之前未做過嘅歌,其實我幾開心,因為無論監製定公司,都當係一個Little Experiment嘅性質。」實驗成功,再接再厲推出暗黑系的《吃定我》外,還有走懷舊爵士風的新作《Nights without you》,歌詞講述一個女子分手後,尚未完全適應單身生活,正等待自己重新振作的階段。
以上3首派台歌曲風雖然迥異,卻不約而同很適合在夜晚收聽,或者是因為歌者本身都是「夜貓」,「凌晨2、3點做嘢已經係慣例,會突然間諗到好多嘢。我1月推出嘅專輯叫《Luna》,喺西班牙文係Night Time咁解,咁啱我成隻Album嘅歌都係凌晨寫嘅,所以所有歌都會Intimate啲,講啲比較心底嘅Topic。」做大路慢歌永遠最穩陣,然而AGA勇於創作不同曲風,作品不止獲網友狂Loop,就連同行都很欣賞,「上年收嘅Song Request都係慢歌,今年多咗好多人問我攞R&B嘅歌,同埋話叫我去寫我鍾意嘅嘢就得,乜都得,呢個係一個肯定!」
樂壇競爭好玩
年尾除了為自己來一個小回顧外,各媒體也會就住這些表現去頒發樂壇成績表。今年天后容祖兒宣布不會出席頒獎禮,其他後起之秀的獲獎機會自然增加,網民紛紛自發投票選出本年度「最佳女歌手」心水,AGA亦被網友睇高一線,「可以係其中一個畀人投票,已經係Very Honour,起碼係喺香港樂壇其中一個佢哋會關注嘅人物。同埋今年無論JW、Gin(李幸倪)、Joyce(鄭欣宜)……好明顯大家都有好多唔同Style Create咗出嚟,個樂壇要咁樣先好玩,就算我哋Compete,都Compete得好玩啲!」
AGA不諱言自己很貪心,咩獎都想攞,但其實對她來說,一項提名或者是樂迷的口碑,比起實實在在的一個獎座來得更重要,「我覺得獎項係好難Control,但呢啲Nomination真係香港市民當中真心去講呢樣嘢,From the heart去Respect你嘅工作。」她剛剛提到的幾位新進歌手,有部分人已經先後進軍紅館,原來AGA的唱片公司都曾提出過18年送她上紅館開騷的大計,最後卻竟然遭她本人婉拒,「我同監製都好希望喺《Luna》之後做多個Album先,因為始終啲歌全部都係我自己寫,我好希望紅館嘅Show裏面全部都係自己作品!」雖然歌迷要再等多一年半載,但相信保持住目前這道氣,AGA在2018年的走勢一定比今年更凌厲!

;