娛樂

2019年11月17日

2019/05/30 (週四) 12:00上午

都市專訪 阿寶の蛻變 鄧麗欣

憑電影《空手道》的平川真理,讓鄧麗欣的演技令人刮目相看,更獲得香港電影評論學會大獎的最佳女主角,從而令戲路更廣,已不再是《獨家試愛》的那個阿寶,只懂談情說愛!若遇上好劇本,鄧麗欣直言不介意片酬低,支持低成本製作的港產片。

撰文:黃寶華 / 採訪:黎寶倫 / 攝影:ChaseK / 化妝:Cyrus Lee / 髮型:Euling Chow @ IL COLPO PLATINUM / 造型:queenie yu / 服裝:DVF / 場地:明珠海景

新戲《九龍不敗》由導演陳果執導,是一套包含魔幻元素的警匪動作片。鄧麗欣(Stephy)飾演男主角張晉的未婚妻,後遭專殺女警的變態殺人狂殺害後,愛妻心切的張晉為此竭力追查殺妻的真兇。戲中令她最難忘的一幕是自己穿婚紗在輕鐵中奔跑,雖然辛苦但很有趣,「着婚紗喺輕鐵度跑幾特別,因為輕鐵我細個成日搭,不過依家好耐無搭,加上又着住婚紗,成件事好矛盾,好得意。」Stephy又搞笑地說跑已算是動作戲,因自己動作戲不多,真正打鬥的場面要留給男演員們。

不受限制
首次與陳果合作的Stephy,終於得償所願拍對方執導的電影,她認為陳果是一位很特別的導演,「因為冇咩人知佢諗咩,你睇佢嘅戲先會知道佢好特別,要組合成個畫面先會見到。係估佢唔到,佢會諗到啲大家都諗唔到嘅嘢。」首次合作加上陳導想法特別,溝通上或會有困難,但 Stephy表示這次的演繹和場面上溝通良好,又認為他嚴謹的個性源自對電影的要求,「好多導演都好嚴謹,呢個都係對自己或電影有要求。咁佢都非常之有佢嘅一套,好清楚自己想要咩,所以要達到佢嘅標準先會收貨。」
曾美慧孜憑陳果執導的《三夫》奪得金像獎影后,戲中有多場性愛場面,同期出道的蔡卓妍亦憑大尺度電影《非分熟女》入圍影后。Stephy不怕意識大膽,但若要演出情慾戲會先考慮故事情節和當中意義,「做嗰啲場面帶出到啲Message係OK嘅,我覺得演員唔應該因為自己嘅枷鎖而去限制自己嘅演出。」問到男友邱勝翊(王子)會否阻止她拍情慾戲?她坦言:「呢啲分得好開,尤其大家都係呢一行,都明白工作就係工作,我哋嘅工作都係一種藝術,但會講佢聽先。 」

形象轉變
近年Stephy的戲路變得更多元,不再局限於愛情片。轉型或有利於衝擊金像獎,但她卻未有此想法,「攞獎係天時地利,當你係有嗰樣嘢,你先會吸到適合嘅嘢番嚟,就算我以前想拍呢啲角色都未必遇到,但慢慢大家見到我嘅蛻變,呢啲角色同劇本就會嚟 。」她又指香港不少資深演員都大力支持低成本製作的港產片,自己亦同樣支持,又透露不介意片酬低,「遇到好劇本,為咗支持新導演新製作,片酬方面會覺得唔緊要喇!」
拍過多套愛情片的Stephy,令人印象最深當然是葉念琛愛情電影系列中的「阿寶」,直言未對愛情電影生厭,「演員喺唔同階段演同類型嘅戲,都有唔同感覺,我覺得類型係一種框架嚟, 呢啲類型入面有好多唔同類型,所以唔會限制自己唔拍愛情片。」若再拍她希望故事內容能講及深入的感情和人性。Stephy的台灣男友王子同是演員,亦出演過不少愛情偶像劇,兩人合作不是沒可能,她亦認同,「唔會限制自己嘅,但主要睇番故事嘅內容。」

;