即時

2019年8月23日

2019/04/18 (週四) 01:40上午

潘燦良失落影帝有蘇玉華錫番

蘇玉華(阿蘇)與男友潘燦良前晚出席護膚品牌活動,同場嘉賓包括何超蓮、倪晨曦及毛舜筠等,阿蘇Sweet爆表示平日會幫男友護膚,又讚對方「皮膚幾好,天生麗質」,潘燦良則自嘲面大,消耗了對方許多護膚品。

談到日前失落金像獎最佳男配角,問到女友可有「錫番」,潘燦良笑謂:「有呀!我冇唔開心,21年前(即98年)有提名,但遺憾冇出席,今次好似去主題樂園咁玩咗一晚。」在旁的阿蘇亦笑道:「最開心嗰個係我,之前我哋同袁富華兩Pair去食飯,話明邊個攞獎邊個請食飯,即係無論點我都有餐食。」她更笑稱袁富華提議兩Pair一齊搞婚禮,潘燦良卻反對說:「分開玩兩日嘛。(真係有計劃?)不嬲都有,不過懶之嘛。」他又透露《逆流大叔》正籌備原班人馬拍另一個故事,自己亦期待跟袁富華鬥戲。

;