新聞

2019年12月11日

2019/12/04 (週三) 12:01上午

港鐵失信於民 市民留言大批判

網民批評港鐵「一鐵獨大」
封站關閘 不理市民

港鐵自反修列風波起,連月來改變一貫以「乘客為先」的服務精神,隨意封站及提早收車,不少市民都在社交網站留言炮轟港鐵,指這個港人一直信賴的集體運輸系統,今日已完全「失信於民」,至今,港鐵高層並未就連月關站、停駛及提早收車等不合情理安排,向市民公開交代;而港鐵年年加價,卻經常大規模壞車,主要路綫不時癱瘓,早已令市民極度不滿。新民主同盟立法會議員范國威,較早前亦嚴厲批評港鐵,指自8月觀塘合法遊行時,港鐵自行決定多站停駛,之後又提早收車接近兩個月。他質疑港鐵是否配合特區政府,進行有實無名的宵禁?

近月不少市民紛紛在社交網站留言,對港鐵過去兩個月提早收站表示極度不滿,並稱在收站的過程期間作出非常不合情理的安排。以下是部分留言的節錄:

「Empty R 真係世上最痴線嘅交通工具之一,話8點關,一到8點落閘,未出去嘅乘客?」

「唔好出囉。後尾開咗側小門,大恩大德俾賤民走!」

「我都覺要改改搭地鐵嘅習慣!我琴日搭咗一下地鐵…頂,地鐵面好多不同嘅化學味,車廂裡面好多人咳,(包括我自己)。我覺得係嗰啲咁嘅化學味到搞到咁多人咳!又要俾錢佢,又要吸埋啲唔知有無害嘅野。我之後都會改搭巴士。」

經濟壟斷的惡果

「又係一個經濟壟斷,一鐵獨大。可惜巴士先天因素影響競爭力,加上新界地區置業者多數有私家車代步,令路面交通飽和。而的士更加為公共交通之瘀血,無奈令黨鐵地位難以撼動。」

「北區居民最無奈係如果東鐵一斷,基本上除咗Uber同的士外,就只有少量外出巴士線,啲巴士線基本上只滿足到同區。」

「如果吐露港一封埋,即係可以留响北區,呢啲情況山竹時試過,亦已有議員同居民不停要求增設巴士線。」

「地鐵出入口同好多商場連接住,而呢啲連接點又係主要通道,佢唔開就連通道都阻塞埋。」

停鐵難以坐車

「上星期金鐘封咗,唔緊要,我過對面PP搭930都得,但就係因為佢封咗,我要行去警總旁,上天橋過馬路去蕙蘭先搭到車,係咪神經病。」

;