即時

2019年12月8日

2019/08/14 (週三) 12:39上午

港姐10強誕生 姚羽嘉被Foul呻唔抵

《2019香港小姐競選》昨日舉行「決賽佳麗誕生」記者會,席間15位佳麗進行才藝表演環節,當中以瞓身一字馬的姚羽嘉最精采,惜最終還是跟楊慧敏等被Foul,姚羽嘉直言感失望:「有少少唔抵,冇辦法,我之前喺北京住,可能big big fun少人投票畀我。」

而大熱的黃嘉雯、蔡嘉欣均順利晉身10強。對於大腿疑有紋身,一直避談的蔡嘉欣終肯承認,稱是18歲留給自己的一個紀念,亦不考慮洗紋身,她說:「事到如今入到圍都要再望遠啲,有冇影響就要睇評判準則,不過大會係知道嘅。」無綫非戲劇經理陳旭亮則謂未聽聞紋身女子不能參選,況且蔡嘉欣的紋身着泳衣及化妝後都遮到,故可接受。

;