即時

2019年10月18日

2019/10/11 (週五) 01:49上午

未婚妻遮肚疑有喜 陳山聰法國婚照曝光

上周三剛滿43歲的陳山聰早前宣布做老襯了!將於下月1日舉行婚禮的他,昨日公開與未婚妻何麗萍於法國拍攝的婚紗照,見相中新娘子頻頻遮肚疑雙喜臨門,陳山聰即澄清:「梗係唔係啦!」

陳山聰與拍拖5年的圈外女友何麗萍(Apple),早前被爆已在港入紙排期註冊結婚,並於下月1日假香港W酒店設宴,筵開10席,一眾圈中好友都紛紛送上祝福。至昨日,一對新人專程飛赴法國拍攝的婚紗照終於曝光,相中兩人換上多個造型,面上流露出無限的幸福和快樂,其中山聰更以白色背心大騷麒麟臂,他說:「其實拍拖5年入面,我都冇為太太做過啲咩浪漫事,依家終於要結婚喇,所以我好想帶佢去一個好浪漫嘅地方影相補數,希望畀到佢有個美好回憶。」故特意到公認為「浪漫之都」的法國拍攝一輯靚靚婚紗照。

生B等天安排

提到今次多得兄弟姊妹幫忙,令他能夠以最有限的預算,做到最佳、最滿意的效果,問到婚禮的預算?山聰說:「呢個美好回憶係唔可以用錢去衡量,婚紗相出嚟嘅效果好滿意,只要係能力範圍內做到,一定要令太太開心,希望大家睇到都鍾意。」並謂下月1日的婚禮以簡單形式進行,最緊要與在場的家人、好友分享喜悅,就是最美好的一晚。

不過見婚照中,Apple不時側身企又用手遮肚,莫非是雙喜臨門?山聰笑謂:「梗係唔係啦,唔好話佢肥啊,佢好傷心㗎!佢只係擺隻手喺肚度,有嘅依家都大晒啦,仲點出嚟見人。(計劃生B?)隨緣,聽天安排,如果個天畀一個我哋,我哋都好樂意去接受。」

;