娛樂

2019年8月25日

2019/05/17 (週五) 12:00上午

星情飯局 幸福.美 苟芸慧

有些女人愛婚後做少奶奶,而於去年結婚的苟芸慧(Christine)呢?好像一直都沒有閒下來,出席各式各樣的大小場合、外地Fashion Show等工作密密麻麻,和她《星情飯局》也是趁出席她代言的Glycel新品發布會之後,才可以安靜的坐下來。
喝了一口白酒,白皙的面上流露少女微笑,苟芸慧的「幸福美」,令人羨慕。

撰文:Carrie Yip (carrieyip@msn.com)
攝影:David

夠白先至靚
苟芸慧有着一股貴氣,加上天生皮膚白皙,初出道時,已被封為「冰山美人」。對於「冰山美人」的說法,苟芸慧一直都不認同,「唔識我嘅人,又或者我唔講嘢嘅時候,的確幾Cool㗎;但如果識我嘅,就知道我好古靈精怪,尤其係一大堆人工作嗰陣時,好想令到成個工作團隊,都會好開心,所以我會有一啲古靈精怪嘅動作做出嚟、氹下大家開心。」苟芸慧繼續說:「我喺加拿大成長,天氣同飲食等居住環境都有關嘅,都算白,不過,以全家人嚟講,爺爺、細佬、細妹都白過我。細個嘅時候,會鍾意曬黑少少,之但係又好容易曬到甩皮喎!返到香港做嘢,接觸嘅個個女仔都話要白,夠白先至靚,我都畀佢哋感染到!於是,自己開始注重點去美白皮膚,會敷一啲美白Mask,揀適當嘅美白用品嚟用,最近呢兩年都用Glycel嘅產品,幫到我好多,最新嘅Swiss White ReFace系列,好正!好多人話結咗婚嘅女人會變黃面婆,我覺得結咗婚都可以繼續好靚好優雅咁落去,我好想做好呢個嘅人辦畀大家睇。」
現在的苟芸慧何止靚,每次出席Event都性感吸睛。「未結婚之前嘅性感係好靠衣服或者一啲裝扮先出到嚟,但係我覺得結咗婚之後,自己嘅女人味開始走出嚟,好自然嘅。我唔係成日都着得好Sexy,但我會揀啱嘅衣着去唔同場合,畀大家見到健康、性感又靚嘅自己。」

屋企大家姐
已為人妻、毫不吝嗇大騷事業線的苟芸慧,被很多網民大讚性感又可愛,之不過性感女神也有男仔頭一面。「其實,我阿媽話我細嗰食嘢幾男仔頭,怕麻煩,最鍾意用匙羹『』咁食晒一餐飯,同我嘅外表完全唔一樣。所以,好鍾意食阿媽做嘅蛋餅,冇骨可以大啖大啖食,阿媽好叻,每個蛋餅包咗好多餡料,可以日日都唔同,到依家我都好懷念阿媽嘅手勢!」苟芸慧憶述小時候的情景,眼裏流露的是「愛」,「我喺台灣出世,嗰度係一個好簡單嘅城市,節奏好慢;成長喺加拿大,同樣係好簡單嘅社會,但加拿大係比較多元化、Culture唔同嘅社會,有好多唔同種族嘅人喺同一個社區,令我自小就接觸到好多唔同文化,包容性會高啲,眼界亦闊好多。」
在苟芸慧的Instagram上,大家常看到一個可愛的小朋友出現,這是苟芸慧親弟弟的兒子,苟芸慧自言十分疼愛這侄兒,母愛泛濫。「其實,我好羨慕我細佬有兩個小朋友,我好鍾意同佢哋一齊影相,小朋友童真簡單,真係好得意!我諗我已經Ready有小朋友嘅。我係屋企大家姐,細個嗰時,我要湊細佬、細妹,會幫手煮飯、幫細佬換尿片,依家都係我教番細佬點樣幫佢個囝囝換片,所以我覺得自己可以做好媽咪呢個角色;反而,我老公應該未準備好,佢喺屋企冇兄弟姊妹,要一個男人準備做爸爸,係要有時間畀佢嘅,總之等老公想做爸爸嗰陣時,先至算啦,大家都唔使咁心急嘅。」苟芸慧的體貼,相信她丈夫亦能深深的感受,期待他們的BB到來!

POPINJAYS
地址:中環紅棉路22號香港美利酒店26樓
電話:3141 8888
平均消費:約$600/位
泊車:酒店代客泊車
營業時間:午餐12:00-14:30(星期二至五)、下午茶14:30-16:30(星期二至日);晚餐18:30-23:00(星期二至六)

;