即時

2019年12月10日

2019/07/16 (週二) 12:27上午

張振朗被譚俊彥笑「黑」過包青天

近日被網民封為「地獄黑仔王」的張振朗,因受「安心偷食」事件影響,其主演的兩套劇《堅離地愛堅離地》、《牛下女高音》均被抽起,幸《包青天再起風雲》下周一終於重見天日!眾演員昨日於電視城為《包》劇做宣傳,張振朗出場時更吊住威吔從天而降,他也直言好開心:「對上一套劇已經係兩年前嘅《踩過界》,真係望到頸都長,不過上天會有安排,一定會播。」

認有唔開心

問到張振朗可覺自己真心黑?他說:「已經過咗去,呢啲係咪叫置諸死地而後生!(傳你嬲到爆粗?)冇,心裏面都冇,初時兩套劇出唔到街係有啲唔開心,但我唔會嬲任何人,只會諗自己今年係咪犯太歲。」語畢即被譚俊彥笑「黑」過包青天。另外,對於網民抵制無綫,同場的龔嘉欣稱會做好自己分內事,譚俊彥則嘆藝人難做,但尊重公司決定。

;