徐燦傑

2019年10月16日

魔鬼教室 徐燦傑

2019/05/10 (週五)

跌市中的「左右逢源股」

Prof J:今日再請嚟我嘅好朋友騏騏,為大家以玄學角度分析大市走向。剛踏入五窮月,市場就有驚濤駭浪嘅感覺,都咪話唔驚,好想搵個方法「乘風破浪」!
騏騏:其實市況只在預計範圍走動,全都是一個「局」,我並未特別驚訝,但在這個人心惶惶之際,比較安全係搵番個水泡,例如趁低吸納一啲有實力嘅穩健籃籌,起碼都有些股息收入,分分鐘跑贏大市,財息兼收!
Prof J:喺芸芸眾多股票中,應該怎樣入手,先達到致勝之道呢?
騏騏:從玄學層面嚟睇,每隻股票股價除咗受大市呢個大太極所支配,亦受自身嘅小大極所左右。股票亦係一個獨立個體,受天、地、人三才力量支配,其上市日期、所屬板塊以及行業性質、乃至股票編號、股票名稱及劃數、公司所在地、公司主要股東和要員的運勢等,都對公司股價構成不同嘅拉力!
Prof J:咁咪好似同一個人睇流年運程咁樣,真係幾得意喎!
騏騏:子平八字將上市日期作為一隻股票嘅出生日,分析其八字格局、大運及流年,就可以推出股票嘅運勢,正如推個人命運嘅妻財子祿範圍,只縮窄到推財運方面去。今年嘅大環境係己(木)亥(水)年。以股票立極,以天干十干嚟講,甲(木)日主或/和甲年柱嘅股票,今年走勢會特別好!因為己係甲嘅財星,甲己又為天干六合,大環境嘅財合入股票;以十二長生論,亥水又為甲木嘅長生。好比一個花花公子左右逢源,又點會唔羨煞旁人呢?
Prof J:花花公子,你係咪講緊我呀?我都想做呢些股票呢!咁根據呢個理論,有邊啲股票今年值得留意及追捧呢?
騏騏:我選咗以下幾隻股票,大家都可以留意下:
中國平安 (2318)(除淨日:5月23日;周息率:2.26%);
中銀香港( 3988)(除淨日:5月23日;周息率:5.97%);
碧桂園(2007)(除淨日:5月21日;周息率:4.76%)。
Prof J:好!等我喺呢個五窮市嘅暗湧之中,拎番個左右逢源嘅水泡先!

徐燦傑  (逢周五見報)
人稱Prof J,大學財金系前教授,金融達人,娛樂.經濟學主理人,諗deal, 做deal成為咗生活嘅一部份!

徐燦傑
;