有準媽媽定了日子剖腹產，希望一切盡在掌握：「有可能生唔出又會焗親BB，順產咁高風險，開刀唔使煩！」有準媽媽則在產前做瑜伽、多走動，做會陰按摩等，希望順產：「生BB根本就係自然嘅事，好期待！」
媽媽群中有俗語叫「食全餐」，即催生失敗最終要剖腹產，經歷待產和手術後傷口兩種痛楚，被視為生育中的悲劇；但卻有經歷完的媽媽跟我說：「生一個BB已儲齊兩種經歷，幾豐富？總之佢健康就得嘞！」
有位媽媽數年前生了個兒子，但其後囝囝意外過世了，現在再懷男胎，我們預料她的經歷會讓她變得緊張又憂心；只見她樂天地與相熟的我們擁抱：「依家個天又畀番一個仔我呀！哈哈！」
一位產後媽媽對着正在哭的初生BB，不耐煩地跟我們說：「妳睇！佢又喊！都唔知佢喊乜？」然後爸爸接過BB，心甜地說：「妳睇！BB連喊都得意過人！有咩唔滿意同爹哋講啦！嘻！」
心態與睇法，未必決定命運，但必定決定了心情；「半杯水」的道理顯淺又易懂，但要實行，需要自我覺知和練習。春天到來，你看到的是潮濕難耐、霉菌肆虐，還是萬象更生、生機勃勃、希望在人間。