2020年11月24日 

Cheese Cake、刨冰 唔係就咁食 台灣火鍋店 超浮誇湯底

2020-07-31 (週五)

講到打邊爐,最重要當然係個爐?錯啦!最重要緊係湯底啦!雖然香港唔少火鍋店,有唔少湯底選擇,無論係愛刺激的麻辣鍋、下火的皮蛋芫茜湯底、養生的花膠鍋等⋯⋯但唯獨是欠缺一款,就係可以打卡呃Like的湯底!

台灣饗鮮海陸火鍋不時推出新湯底,而每次都會在網絡上被瘋狂洗版,去年尾推出的士多啤梨芝士牛奶湯及卡布奇諾味噌湯,造型十足十士多啤梨Cheese Cake和Cappuccino,以點品結合火鍋湯底的概念,於當地超級受歡迎。

今年餐廳再下一城,設計出外表與雪花冰一樣的「雪花冰火鍋」!據說是將湯底冷凍後,再刨成綿綿的雪花冰,分別推出南瓜芝士湯及星洲叻沙湯。前者採用新鮮南瓜與海帶煮成湯,急速冷凍再刨成雪花冰,最後加入芝士片,令湯底口感更濃郁;後者則以星洲辣醬與南洋另沙以黃金比例方成煮成,帶點酸香微辣的味道,令人一試難忘!

單看賣相,又點會估到原來係火鍋湯底?
南瓜芝士湯底採用新鮮南瓜與海帶煮成湯,急速冷凍再刨成雪花冰,最後加入芝士片,令湯底口感更濃郁。
星洲叻沙湯底以星洲辣醬與南洋叻沙以黃金比例煮成,帶點酸香微辣的味道。
直接將「士多啤梨Cheese cake」放入鍋中,濃郁的牛奶配上淡淡的士多啤梨味,最適合煮海鮮。
卡布奇諾味噌湯其實係豆漿混合味噌的湯底,最適合煮菜、菇類!

饗鮮海陸火鍋
地址:台灣新北市永和區中正路133號
時間:1130 - 1430、1700 - 2200