2020年11月27日 

68歲劉永與內地妻分居 獨力照顧兩幼子

2019-10-18 (週五)

現年68歲的劉永驚爆第三度離婚,與年輕他30年的內地女子黃麗燕結束12年婚姻。昨日有報道劉永跟妻子分開,並將賣掉內地物業的錢分一半給女方,為保有兒子的撫養權,劉永受訪時直認不諱要分錢給前妻,並已跟對方分居 。

80年代憑亞視劇集《秦始皇》中演秦王嬴政一角,而爆紅中港兩地的劉永,早年經歷兩段婚姻,第一任是台灣藝人戴良純,第二任為亞姐冠軍黎燕珊,育有一子一女,可惜最終都離婚收場。至07年,他與年輕30年的內地女子黃麗燕結婚,婚後育有兩子分別是12歲大仔嘉豪及8歲細仔嘉杰。不過這段婚姻亦只只維持了12年,昨日劉永接驚爆第三度離婚,受訪問時表示跟太太已分開生活,劉永坦言:「依家生存為兩個仔,咩都唔使諗,兩個仔喺香港讀書,我日日接佢哋放學。」

唔想影響兩子
對於被指售出內地物業,並將一半錢分給前妻,劉永直認:「中山花園係賣咗,畀一半佢,人哋同你生咗兩個小朋友,佢都係兩個仔嘅媽咪,又唔係啲乜嘢。」至於有否辦理離婚手續,他支吾以對說︰「我哋之間感情唔開心咪分開住囉!離咩婚,啲仔有媽咪㗎嘛,佢有佢嘅生活,我睇住啲仔,兩個仔鍾意同我一齊。我唔想登晒報咁,畀個仔知道會傷害到佢哋,唔想佢哋有負面想法。」
目前劉永已在上水找到居所,方便返回深圳的製作公司開工,擔任電影、劇集監製及策劃。他又透露想較多時間留在港拍戲,方便照顧一對兒子,並謂︰「希望香港有發展,搵我做幕前幕後都可以。」