2020年11月24日 

黎瑞恩未審先判? 「射眼論」辣㷫網民

2019-08-08 (週四)

有學生前晚因購買雷射筆,遭警方以涉嫌藏有攻擊性武器拘捕,令全城議論紛紛!昨日網上則瘋傳多張截圖,指黎瑞恩於社交網斥學生買雷射筆去觀星:「真係當全香港人係白痴!」旋即辣㷫網民!

浸大學生會會長方仲賢前晚於深水埗買雷射筆,其後被警方以涉嫌藏有攻擊性武器拘捕,事件惹起爭議,圈中人好似王喜和歐錦棠亦分別於社交網發文,質疑雷射筆是否屬於攻擊性武器,王喜反問:「賣藤條嗰啲舖頭同買入持有藤條嗰啲人又使唔使拉呢?」歐錦棠則揶揄空手道黑帶乃人間凶兇器,「忠告」全部空手道黑帶去自首。
當大家狠批警方製造「白色恐怖」之際,另一邊廂,黎瑞恩(小恩子)昨日卻於私人facebook(fb)留言:「為確證雷射筆之安全可靠,試吓射完佢雙眼,通過安全標準嘅話,要求警方要立即放人兼道歉!」旋即被截圖瘋傳!

被插盲撐差佬
有人怒插她「盲撐差佬濫權濫捕」,亦有人解釋雷射筆有好多級數,很多老師講課都用來做指示,又問對方:「你又肯定那個學生買嚟射人眼睛,可能佢真係去觀星呢?唔好未審先判……」小恩子即反駁:「我真係才疏學淺,450nm波長雷射筆可以用來照幾光年以外的星星?係咪真係當全香港人係白痴!」
不過亦有不少人留言撐小恩子,稱引用同一番說話擊退持反對意見的人。對於fb上的留言,問是否其本人言論?會否擔心粉絲流失?小恩子發言人昨日回覆:「好明白大家都係愛香港,唔想再你一句,我一句啦,不回應啦,唔好意思。」