台灣藝人金剛與拍拖3年的陳蕊蕊於16年宣布分手後，早前傳他與人稱「國光女神」的梁云菲（Nana）蜜運中，直至昨日凌晨，金剛終於在Instagram（Ig）上載一張「搣女友面珠」照，並留言：「我的女人！」大方承認戀情！其女友Nana亦於Ig晒「搣男友面珠」照兼搞笑寫道：「小子，給你賺到了！」一眾好友見狀也紛紛派Like，胡蓓蔚留言：「溫柔一點，幾時帶她見我們倆佬（兩老）？」金剛則回覆：「妹妹我很溫柔的！」而李璨琛更抵死笑說：「似你個女多啲喎！」
唔好妒忌
對此，金剛昨日向傳媒直認跟女友已認識一段時間，但僅拍拖數月，又謂：「佢人好好，好溫柔、好體貼、好樂觀，大家可以用溝通方式去解決問題，之前同其他嘅好似嗌交咁，呢個冇交可以嗌，同佢一齊好舒服。」雖然女友經常展示D Cup火辣身材，但金剛則讚對方好乖，非常黐家，又說：「唔好妒忌，我唔係靚仔但都有優點㗎。」