2020年11月24日 

謝霆鋒怨紅館冇期 容祖兒急撲火

2019-08-19 (週一)

容祖兒紅館演唱前晚舉行第13場,邀得謝霆鋒做嘉賓,祖兒在台上狂塞對方,搞到霆鋒也招架不來,場面搞笑!霆鋒提起祖兒是一個低撐的人,祖兒即難掩興奮說:「好感動呀!謝霆鋒同我講呢啲嘢。」霆鋒接着說:「我好衰,唔值得撐!」祖兒帶點輕浮回應:「我哋由細玩到大,你成功時我戥你開心,我成功時你戥我開心,歌都有得唱啦『你快樂,所以我快樂』。」令霆鋒哭笑不得!
之後祖兒再問幾時到霆鋒開騷,他坦言:「話時話,我想同呢個空間講,紅館呢個空間,我入咗紙兩年,一次又一次被推翻,再推我就唔開啦。」祖兒隨即為霆鋒降溫說:「鋒哥,唔好咁講,你知唔知我呢個騷都拎咗好耐先有,無論等到邊一日,大家都會等你啦!」

容祖兒稱跟謝霆鋒由細玩到大,兩人感情不言而喻。