熱話 時尙 食玩 生活 旅遊 娛樂 親子 專欄 着數

表演遇耳機失靈 謝安琪落台即爆喊

2019-03-14 (週四) 08:00 上午

昨日是謝安琪(Kay)的42歲生日,前晚她就以風雲大使身份,現身《KKBOX香港風雲榜頒獎典禮》,與同屬大使的樂隊Supper Moment(SM)及主持人林二汶、6號(樂隊RubberBand主音)合演。不過Kay一表演就遇上耳機失靈,一粒聲都冇,事後她受訪時坦言:「自己從來都未試過喺台上面咁無助徬徨,唱歌仲要彈琴,全程都係靠Supper Moment嘅Sunny行到好近,睇住Sunny個嘴唇,好似讀唇咁先知自己唱到去邊。唱完第一首歌《羅生門》已經落台喊。」
此外,壓軸現身的容祖兒,原本會與韓國天團BigBang的勝利合唱二人的新歌《Pretty Crazy》,不過因勝利陷入醜聞而缺席,令祖兒要唱出獨唱版。對於未能與勝利合唱,祖兒坦言:「自己收到佢退出嘅消息都覺得好突然同可惜,覺得勝利係一個好有才華嘅藝人,希望佢快啲冇事。」事後祖兒知事態嚴重,所以重申自己對於任何不合法不道德的行為,是絕對不接受、不認同、不支持。