2020年11月29日 

網民聲討褫奪港姐名銜 黃心穎匿屋企以淚洗面

2019-04-24 (週三)

「安心偷食」事件持續發酵!自消息曝光後,形象插水的黃心穎至今「潛水」一星期,昨日有報道則爆她一直獨留鯉魚門屋企,足不出戶,還不時掩面痛哭,情緒低落!

被封為「世界級姣精」的黃心穎背着男友馬國明(馬明)於車廂攬啜人夫許志安一事,至今已曝光一星期,雖然上周三(17日)她一度「浮面」於社交網發表道歉聲明, 坦認犯下嚴重過錯而感到十分羞愧、歉疚, 但仍無法挽回其「破晒產」的形象,仲搞到有份主演的無綫劇《堅離地愛堅離地》臨時被抽起,她為處境劇《愛.回家之開心速遞》所唱的主題曲亦改為播純音樂,風波愈鬧愈大!
事發後,已全面停工的心穎一直未有露面,早前更一度傳她出走加拿大避風頭,但其實她一直留在鯉魚門寓所「懺悔」閉關,而昨日,有雜誌影到心穎獨留家中的照片。日前遭無綫高層樂易玲大爆她情緒不穩、終日以淚洗面的,而照片所見,心穎不時在家中來回踱步,一時在客廳邊寫字邊摸腳趾,一時又睇手機及以雙手掩面痛哭,心事重重。

陸詩韻唔贊成
據悉,心穎原定昨晚為薛家燕(家燕姐)主持的節目《流行經典50年》錄影,但因偷食事件而被換走。此外,不少網民要求褫奪心穎的港姐名銜,同屬港姐出身的陸詩韻昨日出席活動時卻表示不贊成,她說:「嗰刻選咗出嚟就係屬於佢,佢當時係值得攞,但如果佢係虛報資料,擺明講大話就要褫奪。」