2020年12月5日 

網友寸扮大牌 袁偉豪認易招是非

2019-04-10 (週三)

袁偉豪(Ben)日前被網民投訴「扮大明星」,指他與粉絲合完照即變臉,事後Ben於微博轉貼留言並反擊,稱雙方不相識,對方「沒有資格評論我的人品」。對此,Ben昨日出席無綫劇《鐵探》宣傳時,否認掀罵戰,又自言近日好收斂:「我都唔係好記得發生咩事,應該有Fans見到我喺餐廳同人哋影完相,覺得我變臉,其實我冇咩印象,就算係我當時都係表達自己心態,喺工作以外,平時都比較想靜啲。」
問到會否人紅是非多,Ben坦言:「是非一向都有,只係我關唔關注你、你關唔關注我,唔關紅唔紅事。」他又笑稱一向性格率直,已獲網民稱為「直豪」,故自己在這方面仍需學習:「回得靚啲就好啲,我都變咗,以前唔會喺網上抒發心情,不過大趨勢係喺網上平台分享、交流嘅嘢會多咗,近年真係融入多啲。」同場的蔡思貝則表示劇集出街後,獲網民私訊為曾經鬧過她而道歉,並讚其演技有進步;而惠英紅揚言收視若有33點,會於北京笠絲襪扮安全套影相。