2020年11月27日 

紅出沒注意 莊思明孖梁麗翹 做Gym保身段

2019-08-23 (週五)

莊思明貴為大馬拿督千金,有傳爸爸莊寶身家高達8億。莊思明與楊明拍拖3年,男方成日被指食軟飯,不過早前莊思明為男友護航,話對方冇使過自己一分一毫,反而日常生活都是由男友楊明畀錢!楊明努力搵銀,莊思明就努力搵人陪,日前就見她與梁麗翹做Gym,兩人一齊做平板支撐,又玩跑步機,還有教練在旁指導,女星要Keep住靚靚身材真的不可以偷懶!做完運動,兩人於時代廣場等車期間,遇到歌手陳逸璇,莊思明與對方傾到雞啄唔斷,認真有緣。