現年57歲的杜德偉於12年與小自己24年的攝影師李曉冰結婚，兩人16年成功造人，一索得男，誕下Alex Junior。日前杜德偉一家三口現身粉嶺聯和墟出巡，囝囝與媽咪生到餅印咁，仲好鬼黐身！有仔萬事足的杜德偉，一見囝囝伸手扭抱，廿四孝爸爸的他即第一時間抱住仔落車，而雖然Alex Junior只得3歲人仔，不過就相當大隻，作為爸爸的杜德偉真係少啲體力都唔得呀！