2020年09月18日 

紅出沒注意 孫佳君 同兩個仔勁Friend

2019-08-01 (週四)

目前單身的孫佳君早年與富商劉貴喬拍拖,先後生了兩個仔,不過最終分手收場!孫佳君曾笑稱湊仔如養12隻狗,因大佬成日打到細佬爆喊,湊兩個仔好勞氣同辛苦,邊有時間拍拖!日前就見到這位廿四孝媽咪帶住兩個仔於中環現身,孫佳君拖住10歲的細仔,而6呎1高的大仔就同兩人平排而行,3仔乸由中環行去上環,孫佳君不時攬住細仔,又同大仔傾吓偈,似老友多過母子!之後兩個仔入了一座大廈,孫佳君就在樓下等候,之後她見7人車已到便先上車,不過細仔冇幾耐就步出大廈,發現媽咪冇咗影,即時爆頭,動作多多超級趣怪,最後就梗係母子團聚啦!