2020年11月26日 

盧海鵬乘機鬧爆游學修

2019-07-08 (週一)

盧海鵬(鵬哥)與游學修昨日為ViuTV新劇《仇老爺爺》宣傳,拍劇多年的鵬哥稱今次為劇集擔正甚有壓力,又自爆進劇不久一度「拍枱唔撈」,他說:「辛苦冇所謂,但起初唔慣,唔知佢哋想拍乜。試過瞓醒幾覺都未埋到位,20集點知拍到幾時?命都冇咁耐啦!」游學修解釋當日因轉場景,只是打燈慢了一點,對方又以為自己睡了很久才嬲,問如何收科?他說:「即刻Roll機囉,我叫副導演去氹佢,好彩跟住嗰場戲係講我同佢鬧大交,好配合到情緒。」

盧海鵬(中)直言拍攝期間有向游學修(右)「試咪」。