2020年07月8日 
2019-06-13


曹永廉憶當年 揸一層樓呻慘


曹永廉(阿廉)前晚以代言人身份出席皇冠爐具品牌宣傳活動,談到第4年為該品牌代言,他說:「我識呢個老闆有7、8年,所以唔係講酬勞,係一個開心價,幾年前我生活好慘嘅時候,佢竟然搵我做代言,佢救咗我。(嗰陣幾慘?)得一層樓囉!嗰陣個個都幾層樓㗎嘛,而且我又冇乜騷做。」將於9月孖蕭正楠假九展開演唱會的他,稱早前兩人去了許多地方登台,故未有太緊張,問到可會想再出碟圓歌手夢?阿廉說:「之前有人提過,有人願意又唔怕死嘅話咪試吓囉,但我嚟緊要開劇。」


曹永廉自稱成日去街市買餸,因買東西常獲得優惠。