2020年09月27日 

易貝##逃犯修例#打殘樓價

2019-05-15 (週三)

《逃犯條例》修訂,港人驚被捉番大陸,大陸人驚來港逃不了。口痕友表示,若條例修訂通過,香港樓價必跌三成。

口痕友表示,習近平上場,大家僅記得李波,林榮基,忘記內地富豪肖建華被「引渡」返內地。至今,肖建華「下落不明」,香港警方,有姿勢無實際,放催淚彈同「吹水」就叻,對內地公安越境執法,啞仔食黃連。

此外,成報主席谷卓恒被持槍懷疑國安人員企圖挾走,谷機智脫身,警方曾拘捕涉案人士,最後又是不了了之,對傳媒追問涉案者是否持槍,支吾以對。

修訂成功 賣樓「撤資」?

類似事件,已非單一。特區政府是「二奶」 難阻主子做事。惟公安,國安越境執法,搞到「一國兩制」下嘅林鄭「濕晒」,倘若《逃犯條例》修訂通過,香港警方可以名正言順為祖國效忠,林鄭可以撲出嚟簽引渡文件。

那麼,與樓市有何關係?口痕友話,你估樓市真係有咁大剛性需求?如果係就唔會新盤入伙,罰稅都轉手。另外,無內地客幫忙,有Cash,No賒住,唔會炒得咁勁。至於呢班內地大客錢從何來?心照不宣。

口痕友話,呢班「貴客」,錢泊香港,等如放瑞士銀行。《逃犯條例》修訂成功,佢哋一定「無鞋挽屐走」,賣樓「撤資」,免一鋪清袋。屬真屬假,條例通過,看大家是否有機會做業主,便能知曉。(小題為編輯所擬)

易貝
(逢周三及周五見報)