2020年11月26日 

易貝##幕後玩家

2019-05-17 (週五)

政府修訂「逃犯條例」,吵聲從香港傳到外國,迴音傳返香港,指美、德兩國有意改變對香港政策,尤其美國同「阿爺」打硬仗,分分鐘燒埋香港,稅收跟從大陸,到時真係「中港一家」,攬炒!

政府回覆立法會,指修例通過,政府可按其他地區要求,凍結疑犯在港資產,包括物業(等如抄家)。睇嚟「逃犯條例」陷阱愈揭愈多,更令「幕後玩家」現身。

有關心香港情況的內地人表示,立法會的亂象,以為在台灣才出現,沒想到香港也發生。中聯辦看見法案委員會一拖再拖,終於忍唔住「現身」,藉《文匯》、《大公》發功,支持修例。暗示修例不是特區政府「自把自為」,大家心照。

中聯辦此舉,是見石禮謙似退不退,猜測他跟泛民「打龍通」,於是表明正身,間接向商界施壓「唔好玩嘢」。中聯辦發聲明後,商界必定有壓力。不過,商界屈服,配合修例,就如「六國之滅」,今日割5城,明日割10城,將來「阿爺」攞住「逃犯條例」,從商嘅總有嘢畀人「揸喺手」,到時更無反抗之力。有商界朋友話,中聯辦同政府聯手,大家難以抗衡,他們已安排撤資,低調分段將資產轉到外國,更明言有富商已經陸續賣中、港資產,3至5年內,減低中、港投資比例,以免「一鋪清袋」。

易貝
(逢周三及周五見報)