熱話 時尙 食玩 生活 旅遊 娛樂 親子 專欄 着數

明抽暗寸 黄曉明 自揭「內增高」之謎

2019-01-16 (週三) 08:00 上午

黄曉明經常都畀網民質疑着增高鞋變高啲,而日前佢同劉燁、陳坤、郎朗等出席2018微博之夜典禮時,唔單止比同樣官方身高1.79米嘅郎朗高一截,有眼利嘅網民仲發現曉明嘅左腳鞋面,明顯有一Part離奇地凸咗出嚟,咁大家就自然又猜疑佢出蠱惑啦!但其實曉明係有苦衷㗎,佢噚日喺微博晒赤腳相,腳背明顯拱起,原來係因為14年拍電影《白髮魔女之明月天國》時,整傷嘅舊患。曉明又留言話:「左腳是我的獨家限量高腳背,天生高腳背,出過事故後導致組織增生,腳面高上加高,穿很多鞋都很痛苦。」 仲笑問天生高腳背嘅朋友仔,究竟喺邊可以買到唔逼腳嘅鞋㖭!