2020年11月26日 

明抽暗寸 黃翠如 罰蕭正楠跪菠蘿

2019-01-21 (週一)

蕭正楠(Edwin)去年底公布同黃翠如秘婚,嚟緊農曆新年就梗係帶埋太太去同啲姨媽姑爹拜年啦,點知講到呢個話題,Edwin自爆:「爸爸嗰邊都有幾十至一百人,繁殖能力好犀利!」仲自誇「功能」好好㖭!講到咁勁喎,當然要問問「受惠人士」啦,噚日翠如出席活動時,即刻忍唔住鬧佢專講衰嘢,仲話要返去體罰Edwin:「問呢度借啲清酒杯佢跪,要學習番啲言行舉止優雅啲,我哋家教好嚴。」對於有記者提議佢唔畀另一半喺屋企着底褲,咁樣就會易啲懷孕,翠如就繼續話自己家教嚴,所以唔講呢啲話題,然後又再次怪責老公:「依家唔啱時節買榴槤,我改買菠蘿佢跪。」