熱話 時尙 食玩 生活 旅遊 娛樂 親子 專欄 着數

明抽暗寸 鄧紫棋 隨時被迫改名

2019-03-14 (週四) 08:00 上午

27歲嘅鄧紫棋(G.E.M.)今個月頭宣布同合作11年嘅經理人公司蜂鳥音樂結束獨家經理人合約,之前G.E.M.就已經講過冰封三尺非一日之寒,仲話自己忍咗好耐,依家交晒畀律師處理。不過依家唔止係解約問題,原來連鄧紫棋同G.E.M.呢個名都要解決,因為蜂鳥音樂有限公司喺15年申請咗「鄧紫棋」嘅商標,使用權限去到2025年;英文名“G.E.M. ”亦都喺香港進行咗商標註冊,要到今年9月先屆滿。唔少粉絲知道呢個消息之後,都力撐G.E.M.,話佢哋鍾意係佢本人,並唔係個名喎!咁G.E.M.又唔使太擔心,大不了咪用番原名鄧詩穎或者叫宇宙巨G.E.M.,到時記得註冊咪得囉!