熱話 時尙 食玩 生活 旅遊 娛樂 親子 專欄 着數

明抽暗寸 蕭敬騰 向佐 合唱遭謝霆鋒嗌收聲

2019-06-06 (週四) 08:00 上午

記得台灣金曲王蕭敬騰(老蕭)啱啱出道嗰陣,因為唔多講嘢而獲封為「省話一哥」,但做咗幕前咁多年,佢都愈嚟愈活潑同多「口水」,呢期仲好興喺社交網Po爛Gag片,早排仲搵埋Jackson(王嘉爾)客串㖭!嚟緊8月底,老蕭就會喺紅館開《蕭敬騰娛樂先生世界巡迴演唱會》,咁梗係要趁機宣傳吓啦,結果佢就搵咗「孖生」兄弟向佐一齊拍片,點知向佐都係咁「爛」,話老蕭會唱100首歌同請咗Lady Gaga、Ed Sheeran、Justin Bieber等做嘉賓,之後兩個人仲遙距合唱《新不了情》,搞到另一個好兄弟謝霆鋒都忍唔住出嚟話佢哋:「哎呀!唔該你哋兩個唔好唱喇,如果想聽老蕭唱歌,梗係要去睇演唱會喇!」