2020年11月24日 

明抽暗寸 章子怡 疑自我審查改微博名

2019-06-18 (週二)

大家都知一啲敏感字眼好多時都喺內地網都會畀人「河蟹」,作為公眾人物要發表意見就更加要小心,否則隨時會「被消失」,好似章子怡就非常識Do,話說近排打緊中美貿易戰,中國提出「稀土作為戰略資源的特殊價值」,成為談判嘅王牌籌碼,咁啱得咁橋,章子怡用咗近10年嘅微博名就係叫「稀土部隊」!唔知係咪覺得「稀土」太敏感而突然自我審查,佢前晚在上海出席微博之夜時,就宣布將個微博名改番做「章子怡」,原因係:「我也在宣傳電影,新的開始吧!」哦……明……完!