熱話 時尙 食玩 生活 旅遊 娛樂 親子 專欄 着數

明抽暗寸 林盛斌 對親家遭吳若希開天價

2019-06-04 (週二) 08:00 上午

多仔公林盛斌(Bob)經常喺社交網分享子女日常,自從前年生咗「金叵蘿」林道申(Jaye)後,仲成日開心Share整蠱囝囝嘅短片,好似噚日佢又晒Jaye嘅嬉水照,但今次隔籬多咗個妹妹,嗰個就係吳若希(Jinny)嘅掌上明珠淼淼嘞!Bob仲為兩位小朋友設計抵死對白,Jaye話:「喂,靚女,以後跟我!我要初戀呀!」淼淼就學足媽咪口脗不停問:「點解嘅?」最後Bob問Jinny:「阿親家,啲禮金嗰度收順少少,OK?」點知「外父」何兆鴻即刻開條件,要求貝沙灣3房單位、工人司機助手加7位數字現金,Jinny亦附和:「摸完大髀,呢條數都係基本㗎啦!」計埋都大拿拿8位數喎,唔知Bob又制唔制呢?