2020年11月25日 

明抽暗寸 林盛斌 同古人又撞樣

2019-04-11 (週四)

圈中「撞樣」嘅情況成日都有,好似周杰倫就畀人話似年輕時嘅姜大衛,仲有黃心穎同蔡一智、盧覓雪同阮兆祥等,而畀人話「穿越時空」嘅都有唔少,好似古巨基同孫中山、羅嘉良同賀瑞麟……最新發現就有林盛斌(Bob),其實之前都有人話過佢同一位清代妃嬪好似樣,不過噚日佢就喺社交網Po咗另一張黑白相,又留言:「又有朋友個朋友喺唔知邊個歷史博物館見到……」原來今次係畀人話似一個N世前嘅男人,相中嗰位仁兄着上西裝、戴帽同眼鏡,仲要面圓圓、神情同Bob激似,搞到一班網民都紛紛留言:「根本就係你」、「真係有投胎㗎」、「可能係你前世嚟㗎」。