2020年11月24日 

明抽暗寸 李珊珊 為慈善做出貓特攻

2019-02-26 (週二)

神隱7年嘅李珊珊,一直被傳患有腦瘤,不過上周五佢就出席咗《誌友共聚慈善音樂會》,打頭陣喺台上大談自己抗病嘅歷程,即時成為全晚焦點同話題!話晒都神隱咗咁多年,一下子要面對咁多人,唔緊張就假嘅,所以珊珊為咗今次演出,出動到多款「貓紙」,佢噚日就喺微博貼出自己寫滿字嘅手掌相,仲留言話:「分享當天小趣一則:在台上分享5至8分鐘的講稿。我信不過自己,做了三重準備。第一用讀信的方式;第二用小紙卡方式;第三用出貓寫上手。最終以上方式也沒用上,我是選擇了自由發揮用心說出。」珊珊話手上啲字到依家都未洗得甩,又話自己上台難免怯場。咁多啲返出嚟見吓大家唔再緊張,隻手咪唔使再受苦囉!