2020年11月26日 

愛女鬥晒裸照 王敏德冇晒符:好尷尬

2019-05-10 (週五)

王敏德與馬詩慧所生的一對寶貝女,經常於社交網分享噴血「肉」照,眼見愛女日前再度升級,分別Po出「騷波邊」及「晒股」裸照,王敏德昨日出席活動時亦冇眼睇說:「好尷尬!」

結婚27年的王敏德(Michael)與太太馬詩慧(Janet),育有兩女一子,兩位千金王曼喜(Kayla)及王麗嘉(Irisa)均盡得媽咪遺傳,擁有一副好身材,她們亦毫不吝嗇,經常於社交網分享「騷波晒腿」性感照,搞到爸爸Michael都一度忍不住投訴:「使唔使咁?」擔心囡囡被睇蝕,不過兩姊妹卻一於懶理,繼續你有你鬧、我有我Po!
近日,二女Irisa又於Instagram貼圖「派軍糧」,今次她更變本加厲晒全裸出浴照,令其「蜜桃臀」表露無遺,而家姐Kayla日前亦有樣學樣,上載一張「飛Bra半裸照」,噴血程度爆燈!對此,Michael昨日出席高爾夫球活動時,即擰晒頭嘆道:「Getting worse and worse!呢啲相對男人好,但對爸爸就好辛苦!有朋友拎啲相問我係咪我個女,好尷尬!」

做Model可接受
但他補充,愛女此次是獲內衣品牌邀請影相,所以都尚可接受,又指她們能跟Janet一樣當模特兒,自己亦引以為榮。那麼太太還是囡囡較靚?Michael即賣口乖:「兩個Generation都好靚,因為有Good Gene。」提到夫婦倆剛踏入結婚27周年,他又笑稱自己做了27年“Good Man”,問可有送禮物給太太?他打趣道:「太太賺咗錢就會入落我戶口,咁我就畀番佢!」