熱話 時尙 食玩 生活 旅遊 娛樂 親子 專欄 着數

恨跟項明生去東歐 陳志雲籲政府再多行一步

2019-09-05 (週四) 08:00 上午

旅遊達人項明生主持的「八八通」訪談節目《旅遊項目》昨日邀得陳志雲、徐緣及張寶華做嘉賓,陳志雲大談日前訪問了數名流亡台灣的香港青年,他大嘆可惜,又盼政府能再行前多步,紓緩社會氣氛。

項明生(James)昨日為「八八通」主持的訪談節目《旅遊項目》進行錄影,邀得陳志雲、徐緣及張寶華擔任嘉賓。陳志雲笑言希望獲旅遊公司贊助,跟James一齊去東歐拍旅遊節目,又自爆剛從台灣返港,此行訪問了數名流亡當地的香港青年,他說:「佢哋覺得自己係被遺忘嘅一群,我覺得好可惜,佢哋講嘢思路好清晰、表達能力又高,依家變成咁,雖然佢哋冇後悔,但我喺佢哋眼神睇到好多委屈同憂鬱。」對於政府動議撤回《逃犯條例》,他認為:「有做少許嘢好過冇做嘢,但永遠都可以做多啲嘅。」

徐緣與女探討局勢
徐緣則自言外遊會專攻博物館導賞團,希望此嗜好能感染自己的孩子,讓他們擴闊視野,並謂現時父女也會探討香港局勢。對於不少家庭為政治鬧得不愉快, 他說:「我覺得大家先唔好嗌交,你要尊重佢嘅諗法,其實藍黃之別唔係咁大,好多時係自尊多於政見分別,政府亦都深化緊個矛盾,作為KOL,我覺得依家要讓社會唔好再鬥爭。」

張寶華讚創意無限
另外,提到“Too simple, sometimes naive”一事掀起的「膜蛤文化」,張寶華認為香港過去沒有具爆炸力的創作,是因為香港歷史很空洞,但近月見到港人發揮了無限創意,她說:「成日話香港啲細路係港孩,今次嗰吓爆出嚟好愕然,原來佢哋真係好勁!」對於有市民撕連儂牆文宣,James即笑謂:「你創作啲嘢去蓋住人哋啲嘢都冇問題,但佢哋嘅Creative係零呀!」