2020年11月24日 

徐燦傑##董事點解要辭職?

2019-08-21 (週三)

上星期本港一間大型航空公司宣布其常務董事兼行政總裁離任,董事局變動原因是作為公司的領導者對公司近月所面對的事件負責,披露董事離職原因為甚麼這麼重要?請見以下分享:

力奇:睇到一則轟動新聞,就係一間大型航空公司宣布董事局變動,包括其常務董事兼行政總裁宣布離職,並確認其請辭是作為公司的領導者對公司近月所面對的事件負責。
Prof J:上市公司董事局變動只係一個商業決定,今次董事離職有甚麼特別呢?
力奇:根據「上市規則」第13.51(2) 條的規定,董事局變動包括委任或者辭職公司都需要盡快作出公告,辭職公布需要披露董事離職的原因,並且需要確認是否並不知悉與董事局有任何意見分歧。
Prof J:一般來說董事離任的原因離不開個人原因,工作調動,家庭安排,需要投放更多時間及精神專注自身業務,甚至乎年齡或者健康等原因,這些官方原因都幾籠統,為提升公司對投資者的透明度,披露董事離職原因需要具體化,今次航空公司董事離職嘅原因,真係夠晒具體化! 離職原因係因為對近月某些事件負責,真係比較罕見。
力奇:呢個董事局變動令我最深刻嘅事就係公司在當日下午5時14分上載董事局變動公告於聯交所網站,但係中央電視台早於二十分鐘之前已經率先報道公司董事局變動嘅新聞,我覺得有啲奇怪! 因為今次董事局變動有機會對公司股價都有重大影響而構成內幕消息,因此公司有責任確保內幕消息保密,在未公布前不得向任何人士披露,中央電視台如何得悉該消息,真係令人匪夷所思!
Prof J:我有興趣想知道證監會會否就今次董事局變動提早消息公布會否立案調查有無違規嘅情況,幸好中央電視台報道該新聞嘅時候已經收市,今次事件如果涉及國家及社會利益,可能在這種特別情況下而得到豁免。
力奇:對投資者來說今次事件未嘗唔係一種壞事,航空公司過去幾個月面對很大嘅業務困難及風險,股價亦一蹶不振,起碼今次董事局變動體現出公司對投資者嘅責任,不至於飛機航道被國家抵制,否則將會嚴重影響公司運營及營利,睇返佢哋個公告最後一段,公司表明全力支持香港實施基本法給予嘅「一國兩制」原則,雖然呢一段唔係上市規則公告嘅要求,但係起碼立場披露對持份者無論股東,員工,顧客甚至乎國家利益為依歸。

賴錦權(力奇)
(逢周三見報)
香港上市公司秘書、大學碩士課程兼任講師、香港特許秘書公會資深會員,致力將知識輕鬆趣味化,作為其人生的生活命題!

徐燦傑
人稱Prof J,大學財金系前教授,金融達人,娛樂.經濟學主理人,諗deal, 做deal成為咗生活嘅一部分!