2020年12月5日 

徐燦傑##從占星預測「五窮月」

2019-05-03 (週五)

Prof J: 「徐」經逐樂已經寫咗一段時間,透過呢個專欄,認識咗好多唔同嘅朋友,亦好想透過呢個平台,同一啲新嘅朋友,繼續Cross-over 合作,等讀者有多啲嘅體驗。因緣際遇識到一位好朋友叫做騏騏。騏騏,你介紹吓自己先啦!
騏騏:大家好呀,我本身擁有法律博士學位,現時為執業律師。除了熟悉法律框架外,更熱愛中西玄學堪輿文化,嚮往從不同星命哲理中,找到一些能放諸四海皆準的理論法則,又能於日常生活中應用實踐,今次介紹的是可以應用在Pro J所熟悉的財經範疇。很榮幸可以同Prof J 及各位讀者,分享自己在這方面多年之研究成果!
Prof J:踏入5月,市場一向有個傳統說法:「五窮六絕七翻身」,當中一定隱藏很多玄學天星智慧,而西方亦有“Sell in May ”之說法,兩者似乎不謀而合!其實何解?
騏騏:用玄學系統來講,可以透過不同玄學體系入手進行分析推算,比如有天星、八字、紫微斗數、奇門遁甲、六壬、易卦、姓名學等。今次拋磚引玉,先從兩個角度入手分析5月份股市之走勢。今年5月6日是立夏節,從占星角度來看,太陽運行到金牛座15度。太陽所落的宮位,往往對股市走勢有指導性的作用。當太陽落入金牛座這個土象固定星座時,股市一般會處於牛皮狀態,與之前大市飆升之4月白羊火象星座分別好大,當時大市亦藉此推上30,300之暫時全年高位之上。由此可見天時之力量有多宏大!
Prof J:收到,股市的升跌走勢看似隨機無序,其實是受多個不同力量所影響,好似「蝴蝶效應」一樣,如果推動上升的力量和下跌的力量相若時,股市就會橫行牛皮市,反之若某個力量足夠強大時,就會走出明顯之單邊市。同我哋日日講大戶資金流向,都有幾異曲同工嘅關係!
騏騏:係,同時從中國二十四節氣以及子平八字嚟睇,5月6日踏入了己巳「破」月。今年為己亥年,以年干己(土)立極,亥(水)為己的財星,而巳逢亥為財星被沖破。因此,股市在今年5月已呈現凶象,特別留意8、14、20號這幾天為「重破日」,投資者要做好「安全措施」。
Prof J:咁如果根據你嘅睇法嘅話,睇嚟大家真係應該留意應否“Sell in May ”!未來我們會繼續與騏騏作交流,記得繼續留意這個專欄!

徐燦傑  (逢周五見報)
人稱Prof J,大學財金系前教授,金融達人,娛樂.經濟學主理人,諗deal, 做deal成為咗生活嘅一部份!