2020年11月29日 

小龍包中流感 陳慧琳爆大仔驚細佬會死

2019-01-21 (週一)

近日流感爆發,不少藝人都擔心仔女會中招,陳慧琳昨日則爆幼子劉琛已確診患甲型流感燒到40度,令她非常心痛!而梁詠琪就一早安排囡囡停課,避免傳染。

本港學童流感個案持續上升,多間幼稚園及幼兒中心要停課,令一眾「星級媽咪」非常擔憂。已為人母的梁詠琪前晚去睇騷時,透露於教育局宣布停課前,已自行安排女兒Sofia停課,她說:「唔可以輕視病菌,尤其係3、4歲嘅小朋友,我哋就喺屋企同阿女做親子活動。」
至於陳慧琳(Kelly)就冇咁好彩,育有兩子劉昇(蝦餃仔)和劉琛(小龍包)的她,昨日出席商場活動時,大爆細仔小龍包患上甲型流感,一度燒到40度,仲搞到要「坐監」隔離數天,Kelly說:「大仔問我細佬係咪會死?因為細佬成日瞓,又唔畀佢入房,細仔都問自己係咪會死?叫我哋救佢,因為佢好熱。做流感測試時要將條好長嘅棉花棒塞入個鼻度,佢狂喊同掙扎,要3個人按住佢,好慘,我心都痛埋!」幸小龍包已無大礙,今日可「出監」。