熱話 時尙 食玩 生活 旅遊 娛樂 親子 專欄 着數

【安息禮超感動】 陳敏兒分享道別對話  智叔淚不停:冇諗過要丟低你

2021-04-20 (週二) 08:00 上午

廖啟智安息禮今日在尖沙嘴聖安德烈堂舉行,禮堂內安放智叔的白色靈柩,遺照是智叔身穿牛仔褸的微笑相,禮堂門外放了一幅智叔站在萬里長城的照片,太太陳敏兒說:「係智叔自己揀嘅遺照。」安息禮由牧師帶領大家祈禱,由樂手彈奏序曲,智叔囝囝文哲和文信負責吹口琴。


會上陳敏兒分享與智叔臨別對話:「佢喺病房,係咁流眼淚,面對生離死別,佢好唔捨得,正正係佢放唔低啲仔,放唔低個老婆,佢同我講,係打算殿後,佢講『敏兒,我冇諗過要丟低你,而家要留低你,辛苦你喇!』佢就係一個咁有責任感嘅人,佢唔係害怕死亡,佢只係唔捨得我哋,但我哋三個好想俾佢知道,我哋好掂,好會保護自己。」聞者流淚,希望智叔一路好走 ,不用再擔心了!

廖啟智安息禮今日在尖沙嘴聖安德烈堂舉行,遺照是智叔身穿牛仔褸的微笑相。
陳敏兒的白色心型花牌放在正中間,智叔兒子文哲、文信的花牌放在兩旁。
安息禮布置簡約。
陳敏兒和兒子文哲、文信全程冷靜堅強。
會上陳敏兒分享與智叔臨別對話,大讚智叔是一個有責任感的人。
詩歌班有張崇德、劉美娟、 鄺文珣、王祖藍和蔣志光等人獻唱。
智叔一路好走。