早年鬧不和的黃秋生和杜汶澤，上月忽然於社交網Po合照並留言“We Connect”，令人猜測兩人因政見相同而破冰！兩人錄影的訪談節目前晚終於出街，黃秋生直言為港人身份感到驕傲，更籲政府先踏出一步以「原諒」停止亂局。
黃秋生日前為杜汶澤（阿澤）的網台節目擔任嘉賓，該訪問前晚出街，被問到如何看待勇武抗爭？秋生說：「好難翻查邊個郁手先，如果要停止呢個暴力，一定要有人行出嚟做一個原諒，至於一個社會入面，邊個應該先行出嚟？咁梗係政府喇，唔係要政府嚟做乜？政府就係要嚟仲裁㗎嘛！」他又直言從沒想到香港會「咁勁」，故很Proud of自己是香港人。談到跟阿澤反目後又和好，他直言心態有所改變，學識忘記過去，並謂：「都幾多謝呢5年嘅封殺，我直情覺得係洗滌心靈，好似死亡5部曲，由否認到問點解，到憤怒、尋找唔知咩方法，後來接受。」並謂不再理會被網民硬屈「港獨」一事。

阮民安拒為生意跪低
同樣高調撐「反送中」的阮民安亦被揶揄博翻身，他昨日則於社交網爆太太Eva工作遍布中、日、台、美等地，下月推出的自家品牌更會在全球發行，相信表態後會影響業務，但謂：「香港依家發生咁大件不公平不公義嘅事，要我為咗賺錢而選擇扮不見不聞，甚至跪低表態愛國，支持警察打香港人，做甚麼護旗手，對唔住，我做唔到！」
另將於11月舉行的台灣金馬獎，繼早前遭內地打壓，中港兩地電影紛紛放棄報名後，現傳因顧及內地市場，國際品牌BVLGARI、伯爵等都退出贊助。台灣名嘴唐湘龍日前於節目中，亦表示車商瑪莎拉蒂也退出，相信主持人也很難找。