熱話 時尙 食玩 生活 旅遊 娛樂 親子 專欄 着數

大肚作病要食藥 岑麗香爆BB強撐得住

2019-01-23 (週三) 08:00 上午

懷孕6個月的岑麗香昨日偕陳家樂出席鑽石山荷里活廣場的《柳井金魚春日祭》揭幕儀式。她自爆近日有少許作病,要睇醫生兼食藥,搞到老公強強好擔心,幸BB夠強撐得住!

岑麗香(香香)、陳家樂和荷里活廣場助理董事兼總經理梁淑敏,昨日一同為鑽石山荷里活廣場的《柳井金魚春日祭》進行揭幕儀式。席間,香香與家樂分組跟粉絲製作賀年燈籠之餘,又即場挑戰幫公仔BB換尿片、着衫仔。現懷孕6個月的香香亦有板有眼,她直言做了許多Research,有上網睇片又獲好友借書參考,稍後更與老公Jousha(強強)一起上堂,並謂:「強強好叻仔,佢Book咗育嬰班同我一齊上堂,呢段時間佢好落力幫我處理所有嘢,依家好易攰,好多嘢都要靠佢。」
陳家樂着紅底過年
提到腹大便便仍腳踏5吋厚底高踭鞋,香香解釋:「呢對鞋練過好多次,同埋粗踭安全啲,OK嘅。」並謂自己身體狀況也不錯,只是近日有點作病,但已看醫生及食藥,她笑道:「強強當然擔心,但OK 嘅,BB成日好強咁踢,所以知道冇事,反而佢強過我好多,真係一個『強強BB』。」同場的家樂則笑稱老竇愈來愈迷信,自去年開始家中擺桃花,今年更要遵守對方的規矩,初一着紅底褲及不洗頭。