2020年11月26日 

唐詩詠忙拍劇 無暇與「新歡」行山

2019-02-26 (週二)

唐詩詠、陳展鵬與伍允龍等昨日為新劇《唐人街》拍外景,詩詠早前被指與「新歡」陳思銘行山貼相認愛,談到近日忙拍劇,豈不是冇時間拍拖?詩詠表示:「唔好講到咁,之前都講咗大家係朋友,順其自然。」她稱要拍劇3個月,所以暫時跟對方不會行山,並謂:「我啲朋友都習慣咗我一拍劇就失蹤,我拍緊劇佢哋都唔會搵我。」此外,快為人父的陳展鵬透露太太單文柔預產期,正值他拍劇時,問到會否陪老婆入產房?他謂:「劇組就冇問題,依家未決定開刀定順產,就算開刀都有機會提早作動,所以預時間都冇用。」

(左起)黃建東、陳展鵬、唐詩詠與伍允龍為新劇 《唐人街》於電視城拍外景。