熱話 時尙 食玩 生活 旅遊 娛樂 親子 專欄 着數

吳若希「哭訴」 獲菊梓喬安慰

2019-01-16 (週三) 08:00 上午

吳若希(Jinny)、菊梓喬(Hana)與周柏豪等一班星夢歌手,昨日為無綫拍賀年特輯,因菊梓喬首奪勁歌金曲「最受歡迎女歌星」時,在旁的Jinny誇張喪笑,似有嘲笑對方之嫌,成為焦點,滿地花生!昨日兩人再度同場,Jinny為事件解畫,並自嘲:「我嗰晚嘅表現好精采,其實我做乜都衰,笑又死、攬又死。」對於在社交網Po合照冇Hana份,Jinny即高呼救命說:「嗰時佢行開咗嘛!張相冇佢唔代表不滿佢!」又自爆其實自己是跟柏豪「不和」:「當時柏豪坐我隔籬,但冇影佢,係因為我不滿佢,我憎所有靚仔過我老公嘅人。」還叫記者問柏豪回應,又隨即伏於Hana膊頭扮「喊」,Hana即交戲拍拍對方膊頭作安慰,場面搞笑!