2021年01月21日 

史上最黑暗料理 網民:屋企人用洗衣機煮餸

2020-09-26 (週六)

以前煮飯,一個電飯煲、一個煮食爐就搞掂,不過近年愈來愈多煮食爐具、工具推出,好似光波爐、氣炸鍋等,令到煮食變得更方便,不過有冇諗過,原來洗衣機都可以「幫手」煮餸,仲可以用來煲湯!

家人力撐冇問題

早前台灣一名網民,於網上發文表示,嫲嫲要她幫忙開洗衣機,順便將洗衣袋遞我到她手中,原來袋中並非衣物,而係沾滿蛋汁的猴頭菇!令她非常震驚,並立即去搵爸爸求助,點知得來的答案竟然係:「如果唔係點脫水?」而嫲嫲就加多句話:「頭先嗰袋猴頭菇入面加咗好多蛋汁,要放入洗衣機脫水先可以收汁啦!」

想信大家都冇諗過原來洗衣機可以幫手煮餸!
以為洗衣機只可以幫手脫水?大錯特錯啦!

洗衣機煲湯真係得?

雖然有唔少網民留言反問:「你啲衫究竟有咩味?」、「換轉係我就實癲咗!」但都有人直言:「我媽都係咁㗎喎!」、「端午節包粽啲豆沙就係用洗衣機脫水。」更加有網民分享咗一條短片,片中就有個中國網友,竟然挑戰用洗衣機煲湯,而且出來效果唔錯,認真令人大開眼界!

將食材全部切完後放入洗衣機。
啟動洗衣機。
生排骨與薯仔在洗衣機內。
半小時左右,排骨已經熟了!
1小時後,煲已經「煲」完!
舀出來準備上枱!
天啊!洗衣機真係可以煲湯?雖然片主有即場試飲,不過相信大家都唔會想試!