2020年11月26日 

初露鋒芒 涂毓麟

2019-10-18 (週五)

憑ViuTV選秀節目《Good Night Show全民造星》入行的涂毓麟(Oscar),雖在節目中遭淘汰,但幸得造星導師劉美君推薦入環球,以氣質才子路線出道。繼上一首《二人一世界》後,推出第二首輕快情歌《Never Mind》。Oscar除了親自為新曲演奏鋼琴伴奏外,還在MV中初嘗單戀滋味。

撰文:Boey Lau|攝影:陸羽勝|髮型:Patrick@muse Salon|化妝:Marsha Ma|造型:Avenue1218|場地提供:Amigo's Party

新歌《Never Mind》似表達心愛的人離開後仍能瀟灑面對,但其實有兩層意思,「首歌照歌詞嚟解嘅話,就係鍾意嘅人離開咗,咁就Never Mind啦,好似好瀟灑咁,但其實有第二個Message喺入面,比較鼓勵性嘅,就係有好多嘢,唔可以成日用Never Mind嘅態度,有好多嘢你唔爭取就會冇啦。」Oscar娓娓道來。
自認怕羞仔
今次Oscar在新曲MV裏擔正男主角,講述他單戀在同一間書店打工的女孩,但因未有行動,被人捷足先登慘「食檸檬」。他形容,在MV中盡量做自己,所以演繹上並不難。而現實中的Oscar,在感情上他也和角色有相似之處,「我未試過單戀嘅,但係自己同角色一樣都係咁被動,就算鍾意一個女仔,都會有啲怯,唔會主動去Approach。」
在選秀節目《全民造星》淘汰後,看到曾經的戰友組成Mirror大獲人氣,問到Oscar會否羨慕他們? 「又冇話羨慕嘅,見到佢哋搵到適合自己嘅一個地方都戥佢哋開心。我覺得當初自己未必咁適合Mirror,甚至乎節目監製黃慧君(花姐)都話『其實你應該向出面行,擺你入唱跳組合,都有啲奇怪!所以你應該去做音樂,做啱自己曲風嘅音樂。』所以,又唔會話羨慕,亦都唔會話Miss咗所有嘢囉,我都希望之後可以同Mirror合作。」