卓能集團主席趙世曾千金趙式芝同波爾錶太子女楊如芯，近日被爆已離婚，結束7年同性婚姻，認真可惜。不過圈中另一對同性密友賭王何鴻燊二房愛女何超瓊同俞琤，雖然拍拖9年，仍然恩愛。賭王於農曆新年入住養和，何家各房輪流探望，超瓊可能陪爸爸唔得閒，所以俞琤就識趣自己搵節目，日前就見她與朋友到ifc睇戲，睇完即刻叫司機接她，未知是否趕住會超瓊呢？